ஜூலை 20, 2020

பதவி உயர்வு பாராட்டு விழா-தோழர் S.பெர்க்மான்ஸ் தாஸ் ADS

                      நமது அஞ்சல் மூன்று கோட்டச்சங்கத்தின் உதவிச்செயலாளர் தோழர் S.பெர்க்மான்ஸ் தாஸ் அவர்கள் AAO தேர்வில் தேர்ச்சி அடைந்து கணக்கு அதிகாரியாக பதவியேற்க  POSTAL ACCOUNTS OFFICE நாக்பூர் செல்கிறார்.   

                 அவருக்கு   மானாமதுரை தலைமை அஞ்சலகம் மனமகிழ் மன்றம் பாராட்டு விழா நடைபெற்றது.  நம் கோட்ட சங்ககங்களின்  சார்பில் நினைவுப்பரிசு வழங்கி கவுரவிக்கப்பட்டார்.  

                     தோழரின் கணக்கு அதிகாரி பணி சிறக்க வாழத்துக்கள்!



 

ஜூலை 01, 2020

மரங்களில் மனிதக் காய்கள்- தோழர் K.S கவிதை

மரங்களில் மனிதக் காய்கள்



நாற்றுப் பறித்து முடித்த 
நாற்றங்கால் தரும் மணம்!

நடவு வயலில் பரம்படித்த 
சேற்றில் ஓர் மணம்!

நடுகை திரும்பி காற்றில்
அலையும் நாற்றிலும் நறுமணம்!

பிஞ்சு நெல்லைப் பிரசவிக்கும் 
பொதியிலும் ஓர் மணம்!

நிறம் பழுத்த நெற்கதிர்கள்
நிலம் நோக்க வரும் மணம்! 

கதிர் அறுத்த வயலும் 
காற்றில் தரும் மணம்!

நெல் உதிர்த்த தாழ்கள் 
வைத்தூறாய் மாறலில் ஓர்மணம்! 

அவியும் நெல்லிலும் மணம்
ஆக்கிய சோற்றிலும் மணம்!

இத்தனை மணம் தந்த 
இவன் மட்டும் மணக்கவில்லை? 

உடுத்த பருத்தி தந்தும் 
உலவுவது அரை உடம்பாய்! 

விளைந்த பொருளுக்கு விலையுமில்லை 
வாழும் வகையும் தெரியவில்லை! 

வைத்த கடன் திரும்பவில்லை 
வளர்த்த மரம் காய்க்கவில்லை! 

அதனால்-

தாம்புக் கயிற்றில் தொங்குகிறான் 
தானே மரங்களில் காய்களாக!

தானே அழிந்திடும் தனிப்பெரும் மனிதனை 
தக்கவைக்க தகவமைப்போம்!

---காரைக்குடி கார்மேகம் செல்வராசு
ஓவியம் : 
மதி (Divisional Secretary Gr C)


ஜூன் 30, 2020

தோழர் K.செல்வராஜ் (TRR) அவர்களுக்கு பணி ஓய்வு பாராட்டு விழா

தோழர் K.செல்வராஜ் POSTAL ASSISTANT (LSG) SIVAGANGA HPO அவர்களுக்கு பணி ஓய்வு பாராட்டு விழா-30.06.2020



................................................
                  கடந்த 31 ஆண்டுகளாக நமது இலாக்காவில் சிறப்புடன் பணியாற்றி இன்று (30.06.2020) பணி ஓய்வு பெறுகிறார் தோழர் K. செல்வராஜ் II.

                       அனைவரிடமும் இன்முகத்துடன் பழகும் தோழர். நமது NFPE இயக்கத்தில் மாறாத பற்று கொண்டு எவ்வித சஞ்சலகங்களுக்கும் இடமளிக்காமல் ஈடுபாடுகொண்ட தோழராக விளங்கினார். திருப்பத்தூர் பகுதியில் நமது தொழிற்சங்க நிகழ்வுகளுக்கு முன்னணியில் இருந்து அனைத்து ஆர்ப்பாட்டங்கள், வேலை நிறுத்தங்களிலும் தவறாது கலந்துகொண்டு தொழிற் சங்கத்திற்கு வழுச்சேர்த்தவர். அவர் என்றும் நலமுடன் வளமுடன் வாழ்க பல்லாண்டு!

                தோழருக்கு சிவகங்கை HO மற்றும் திருப்பத்தூர் SO அஞ்சலகங்களில் பணி ஓய்வு பாராட்டு விழா  நடைபெற்றது! திரளான தோழர்கள் சமூக இடைவெளியுடன் கலந்துகொண்டு சிறப்பித்தனர்.



தோழரைப்பற்றி தோழர் PSP அவர்களின் பதிவு :

                   I know Com K.Selvaraj Tiruppattur  since Tiruppattur area was attached to erstwhile Manamadurai Division.

                    He is one of the comrade in our Division who is having utmost faith in the Trade union. He has  participated all the struggles  .He always  maintain calm and composure  with a  smile at all times ." He never complains about others. None complains against him". It is a rare quality I find in him. It shows that he  adjusts with l all the staff  with his love wherever he worked.

                    With your retirement , Sivagangai  division  will miss a   senior comrade who has reposed full confidence upon our union.

                     My best wishes to  his daughters  good and prosperous future.

........P.Sermuga Pandian



ஜூன் 14, 2020

தோழர் உலகநாதன் என்ற சங்கரன் அவர்களுக்கு பணி நிறைவு பாராட்டுவிழா

தோழர் உலகநாதன் என்ற சங்கரன் ABPM குமாரவேலூர் BO சருகணி   அவர்களுக்கு பணி  நிறைவு பாராட்டுவிழா















மானாமதுரை சப்-டிவிசன் சருகணி So/ குமாரவேலூர்  BO  வில் GDS MD யாக பணிபுரிந்த மூத்ததோழர். உலகநாதன் என்ற சங்கரன் செயற்குழு உறுப்பினர் AIGDSU  அவர்கள் 06-06-2020 அன்று பணி ஓய்வு  பெற்றார்

தாேழா் சங்கரன் குமாரவேலூர் ABPM ஆக  பணிநிறைவுவளமுடன் 29 ஆண்டுகள் உழைத்து இன்று பணி ஓய்வு பெறுகிறார்..அவருக்கு சருகனி SO வில் பணிநிறைவு பாராட்டு விழா சங்கத்தலைவர் குருநாதன் அவர்கள் , சங்க செயலாளர் செல்வன் அவர்கள் , P3 சங்க பொருளாளர் திருக்குமார் அவர்ரகள் மற்றும் சருகனி SPM ராஜேஸ் அவர்கள் தலைமையில் சிறப்பாக நடைபெற்றது

தோழரின் பணி ஓய்வுகாலங்கள் முழுதும் மகிழ்ச்சியுடன் வாழ்ந்திட கோட்ட சங்கம் மனதார வாழ்த்துகின்றது.பணிநிறைவெய்திய தோழர் சங்கரன் குடும்பத்தினருடன் நலமுடன் நீடு வாழ வாழ்த்துக்கள்.
                                                  💐🌹🌷🌻🌺🌸💐🌹🌻🌺

K.மதிவாணன்
செயலர் P3
P நடராஜன்
செயலர் P4
S செல்வன்
செயலர் AlGDSU
சிவகங்கை கோட்டம் 

தோழர்.T.பொன்னையா அவர்களுக்கு பணி ஓய்வு பாராட்டுவிழா


 தோழர்.T.பொன்னையா GDSBPM  T.புதுப்பட்டி  BO ,திருப்பத்தூர் அவர்களுக்கு  பணி ஓய்வு பாராட்டுவிழா 













               தோழர்.T.பொன்னையா அவர்களுக்கு  பணி ஓய்வு பாராட்டல்.

சிவகங்கை கோட்டம் - திருப்பத்தூர் so T. புதுப்பட்டி BO வில் GDSBPM ஆக கடந்த 40 வருடங்களாக பணிபுரிந்து வரும் அருமை தோழர்.T.பொன்னையா AIGDSU செயற்குழு உறுப்பினர் அவர்கள்  (05-06-2020) பணி நிறைவு பெற்றார் .அவருக்கு திருப்பத்தூர் அஞ்சலகத்தில் பாராட்டுவிழா நடைபெற்றது . அதில் AIGDSU  கோட்டச் செயலர் தோழர்  S.செல்வன் உட்பட  பி 3 பி 4 AIGDSU  பொறுப்பாளர்களும் உறுப்பினர்களும் கலந்துகொண்டு அவரைகவுரவித்து பேசினார் .

தோழரின் பணி ஓய்வு காலங்கள் முழுதும் சீரும் சிறப்புமாக அமைந்திட தொழிற்சங்கம் வாழ்த்துக்களை தெரிவித்துக் கொள்கின்றன🙏


K.மதிவாணன் 
செயலர் P3
P.நடராஜன்
செயலர் P4
S. செல்வன்
செயலர் AIGDSU
சிவகங்கை🙏💐

ஜூன் 12, 2020

தோழர் M.சண்முகம் BPM Kalakkanmoi BO A/w நடராஜபுரம் பணி ஓய்வு விழா 12.06.2020

இன்று பணி ஓய்வு பெறும் மூத்த தோழர் M.சண்முகம் BPM Kalakkanmoi BO A/w நடராஜபுரம் அவர்களின் பணி ஓய்வு விழா நடராஜபுரம் SO வில் 12.06.2020 அன்று நடைபெற்றது. தோழரின்  பணி ஓய்வு காலம் குடும்பத்தாருடன் சிறப்பாகவும் இனிமையாகவும் அமையட்டும்.

தோழியர் திருமதி க. சாரதமணி BPM இடையமேலூர் BO பணி ஓய்வு விழா 11.06.2020


சிவகங்கை சப்-டிவிசன் , சிவகங்கை கலெக்ட்ரேட் So/ இடையமேலூர் Bo வில் GDS BPM யாக 36 ஆண்டுகளாக பணிபுரிந்த மூத்ததோழியர் திருமதி க.சாரதாமணி (AIGDSU செயற்குழு உறுப்பினர்)அவர்கள் இன்று11-06-2020 நாளை பணி ஓய்வு பெற்றார்கள்

தோழரின் பணி ஓய்வுகாலங்கள் குடும்பத்தோடு மகிழ்ச்சியுடன் வாழ்ந்திட கோட்ட சங்கம் மனதார வாழ்த்துகின்றது.

மே 30, 2020

தோழியர் S. புஷ்பவள்ளி தோழர் R கிருஷ்ணன் தோழர் S. அழகேசன் பணி ஓய்வு

இன்று பணிஓய்வு பெரும் தோழியர் S புஷ்பவள்ளி அவர்களின் பணி ஓய்வு விழா மானாமதுரை HO,  தோழர் R கிருஷ்ணன் பணிஓய்வு விழா சிவகங்கை HO, தோழர் S.அழகேசன் பணி ஓய்வு நிகழ்வு திருப்பத்தூர் SO ஆகிய இடங்களில் சிறப்புடன் நடைபெற்றது.  தோழர்கள் தோழியர் பணி ஓய்வு காலம் சிறப்புடன் அமைய வாழ்த்துக்கள்!

மே 22, 2020

நாடுதழுவிய எதிர்ப்பு நாள்! 22.05.2020 (Black Badge Day)


                             மத்திய அரசு ஊழியர் மகா சம்மேளனம் எடுத்த முடிவின்படி,  நமது மாநில சங்கங்களின் வழிகாட்டுதலின் படி ஆளுகின்ற  மத்திய அரசின்  பெருமுதலாளிகளுக்கு ஆதரவான போக்கை கண்டித்தும்,  தனியார் மயத்திற்கு ஆதரவான தொழிலாளர், தொழிற்சங்கங்களுக்கு எதிரான நடவடிக்கைகளை ண்டித்தும்.  நாடு முழுதும் அனைத்து மத்திய அரசு, பொதுத்துறை ஊழியர்கள் கருப்பு badge அணிந்து இன்று (22.05.2020) கண்டன போராட்டம் நடத்தினர். 

                  இதில் நம் அஞ்சல் ஊழியர்கள் தீவிரமாக கலந்து கொண்டு தங்கள் எதிர்ப்பை பதிவு செய்தனர்.  நமது சிவகங்கை கோட்டத்தில் அனைத்து அலுவலகங்களிலும்  அஞ்சல் மூன்று, நான்கு மற்றும் கிராமிய அஞ்சல் ஊழியர்கள் அனைவரும் கருப்பு பேட்ஜ் அணிந்து எதிர்ப்பை பதிவு செய்தனர். 

போராட்டத்தில் கலந்து கொண்ட அனைத்து தோழர் தோழியர்களுக்கும் போராட்ட வாழ்த்துக்கள்!